Ich ha vom 2. bis am 10. November 2024 ferie. Isch zwar nüm die typischi Wandersaison aber ich plan, wenn s Wätter einigermasse passt, e mehrtägigi Wanderig z mache (3-5 Tag). Bi mit mine 2 Hünd unterwägs und wird mi uf eher schlichti/eifachi Übernachtigsmöglichkeite beschränke. E Idee hätti scho wos könnt hi goh, bi aber offe für Alternative. Tagestoure wärde öbbe zwüsche 10 und 20 km lang si.

Evtl. het jo zuefällig öbber au no Ferie und lust uns z begleite? E vorgängigs Kennelerne isch für mich aber binere Mehrtägige Aktivität vorussetzig, mues jo au chli passe ;-) Mir laufe zügig aber renne nid ;-)

Datum isch variabel in dere Wuche. Dr Ort isch efach mol e Vorschlag. Cool wär zum Bispil in 5 Täg ume Vierwaldstättersee.