Ich wet nomal uf d Schneeschueh ❄️🥾Tour "805 Jänzitrail" bi Sarnen, wiels letschti Mal so schön gsi isch. Wer Luscht und Kondition hät, chan gern mitcho.

Ich wür die Tour mache bi Sunne, Wulche oder Schneefall, aber nöd bi Rege oder Sturm. Ich lauf d Tour im Gegeuhrzeigersinn.

Die Tour isch öppe 12km lang und hät rund 560 Höhemeter (gemäss SchweizMobil).
Je nach Temperatur🧣🧤 nöd vergesse 🤪

Churzi Pause für Esse/Getränk z.b. bi Siwellenbrunnen (Understand, offe), uf em Jänzi oder bim Waldhüsli bi Egg (deckt, gschlossene Ruum), au s eine oder andere Foti dörf sii 😊

Gschätzti reini Laufzyt 🚶‍♂️🚶‍♀️ bi normalem Wetter öppe 3.5 Stund. Verpflegig us em Rucksack 🥪🥕🍎🍌🍼

Im Aaschluss ev. Ufwärme 🔥 bime Kafi ☕️oder Tee 🫖 im Resti bi Langis.

LG Dani