Ich machä am SA e Rundwanderig.. sotsägä einmal rund ums Erstfäldertal, mitemne Abstächer ih de Kröntähittä

ROUTE

Start isch ts Erschtfäld am Bahnhof. Deetä fahret miär per Alpentaxi ts Erstfäldnertal hindere ufe Bodebärg. Vu deet üs gaht äs grad üfä und laufet em Päuggen Ellbogä entlang zur Kröntehittä... machet deetä ä chlini Paisä und watschlet den nitzi zum Fulesee. Unnä im Bachbet, durchqueret miär diä beedä Grundbäch und de üfä ufs Hoch Biel, em Höhäwäg bis ufs Horn und den nitzi bis zum Wilerli... dene nämet miär ts Bähnli uf Erstfäld... sofärn tZiit und tEnergie nu da isch, chent mä ai witrs ufs Brüsti und deetä mit em Bähnli nitzi.. das wäret de nomauw 500hm meeh sowie 2h...
 

TOURDATE
Distanz 14.4 km

1500hm üfä

1400hm nitzi

7h reine Wandrziit, mit Paisä wärdets eppä 8h... mit Resärvä 9h.

KOSTEN

ts Taxi choschtet 70.- für 4 Personä und muäss reserviärt wärdä. 

t Luftseilbahn Wilerli - Hofstetten muäsi nu abklärä (:

VORÜSSETZIGÄ

guäti Kondition 

schwindelfri

Trittsicher

chennä ybr Schneefälder ts laifä (will das wird dr Fall si...)

Wandrschueh, kei Trekkingschueh!

Ich wird so odr so gah, abr wür mi natirli fraiwä, äs chämtet äs paar Lyt mit (:

AHMÄLDIG

Am Mittwuch abä wirdi entscheide, ob tWanderig duregfiährt wird odr nid... halt, wägem Wätter.. ich wird dene ai ts Taxi reserviärä, somit isch auwso en tAhmäldig bis Mittwuch abä megglich...

Alter, zwischä 30-40gi